23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Կրեմլի խոսնակը՝ ԼՂ-ի շուրջ համաձայնագրի գլխավոր արդյունքի մասին
Քաղաքականություն
17.11.2020 | 14:41
Լեռնային Ղարաբաղում հրադադարի գլխավոր արդյունքն այն է, որ «թնդանոթները լռել են»։ Նման կարծիք է հայտնել ՌԴ նախագահի խոսնակ Դմիտրի Պեսկովը, գրում է ՏԱՍՍ-ը։
«Հարկավոր է դիմել ռազմական փորձագետներին։ Բայց, նախ և առաջ, հարկ է նշել, որ թնդանոթները լռել են։ Դա գլխավոր արդյունքն է։ Մարդիկ չեն զոհվում։ Սա ամենաարժեքավոր բանն է, որ կարող է լինել»,- գնահատելով Լեռնային Ղարաբաղում հրադադարի առաջին շաբաթվա արդյունքները՝ ասել է Պեսկովը։
Նա, միաժամանակ, չի մեկնաբանել ԱՄՆ Պետքարտուղարության հայտարարությունն այն մասին, որ Վաշինգտոնն ու Փարիզը մանրամասներ են ակնկալում ԼՂ հակամարտության շուրջ Թուրքիայի դերի մասին։
«Մենք չէինք ցանկանա մեկնաբանել Թուրքիայի հետ համանախագահների երկկողմ հարաբերությունները։ Եթե Մինսկի խմբի համանախագահությունում մեր գործընկերները պարզաբանումների կարիք ունենք, կասկած չկա, որ մենք կտրամադրենք դրանք։ Հատկապես, որ մեր դիվանագիտական գերատեսչությունների գծով ԼՂ հարցով կանոնավոր շփումներ են ընթանում»,- հավելել է Կրեմլի խոսնակը։
Նրա խոսքով՝ Ռուսաստանի համար կարևոր է հասկանալ՝ ինչպես պահպանել Լեռնային Ղարաբաղում վերջերս հաստատված խաղաղությունը, ապահովել բոլոր տեղահանված անձանց, փախստականների վերադարձը և ինչպես դիտարկել այդ խաղաղության պահպանումը։
