19.12.2025 | 01:56
Կոնֆերենցիաների լիգա․ «Նոան» պարտվեց Կիևի «Դինամոյին», բայց դուրս եկավ փլեյ-օֆֆ․ ՏԵՍԱՆՅՈՒԹ
ՀՅԴ անդամ Ավագյանը ևս չի կալանավորվի
Հասարակություն
17.11.2020 | 13:54
Իշխանության յուրացման և պետական գործչի, տվյալ դեպքում՝ ՀՀ վարչապետի սպանությունը նախապատրաստելու, ինչպես նաև՝ ապօրինի զենք-զինամթերք ձեռք բերելու, պահելու դեպքով հարուցված քրեական գործի շրջանակներում օրերս ձերբակալված «Հայ հեղափոխական դաշնակցության» անդամ Աշոտ Ավագյանը չի կալանավորվի:
Ավագյանին, հիշեցնենք, մեղադրանք է առաջադրվել ՀՀ քրեական օրենսգրքի 35-300-րդ հոդվածի 1-ին մասով և 35-305-րդ հոդվածով՝ իշխանության յուրացում և պետական գործչի սպանություն նախապատրաստելու համար։
ԱԱԾ մամուլի կենտրոնից մեր հարցին ի պատասխան՝ տեղեկացրին, որ միջնորդություն է ներկայացվել դատարան՝ Ավագյանի նկատմամբ կալանավորումը որպես խափանման միջոց ընտրելու համար, որը, սակայն, մերժվել է։
Հիշեցնենք, որ դատարանը մերժել էր կալանավորել նաև այս քրեական գործով անցնող անձանցից՝ Արթուր Վանեցյանին, Վահրամ Բաղդասարյանին և Աշոտ Մինասյանին:
