28.11.2024 | 10:28
Նավթի գները նվազել են
Թուրքիայի վերջին գործողությունները շատ ագրեսիվ են եղել. Պոմպեո
Քաղաքականություն
17.11.2020 | 11:27
ԱՄՆ-ն անհանգստացած է Թուրքիայի ռազմական ներուժի մեծացմամբ։ Այս մասին ֆրանսիական Le Figaro պարբերականին տված հարցազրույցում ասել է պետքարտուղար Մայք Պոմպեոն, փոխանցում է ՏԱՍՍ-ը:
«Մենք նման անհանգստություն ենք հայտնել ինչպես անձնական հանդիպումների ժամանակ, այնպես էլ հրապարակային։ Եվրոպան ու ԱՄՆ-ը պետք է համատեղ աշխատեն, որպեսզի համոզեն Էրդողանին, որ այն գործողությունները, որոնք նա ձեռնարկում է, չեն համապատասխանում իր ժողովրդի շահերին»,- ընդգծել է ԱՄՆ պետքարտուղարը։
Նա նշել է, որ ԱՄՆ վարչակազմը և Եվրոպան պետք է համատեղ աշխատեն վերջին մի քանի ամիսների ընթացքում Մերձավոր Արևելքում Թուրքիայի կողմից իրականացվող գործողությունների լուծման շուրջ:
«Ֆրանսիայի նախագահ Էմանուել Մակրոնը և ես համաձայն ենք, որ Թուրքիայի վերջին գործողությունները շատ ագրեսիվ են եղել»,- ասել է Պոմպեոն՝ խոսելով Լեռնային Ղարաբաղում պատերազմի ընթացքում Ադրբեջանին Թուրքիայի աջակցության, ինչպես նաև Լիբիայում և Միջերկրական ծովում ռազմական գործողությունների մասին:
Տաթև Ֆռանգյան
