13.10.2026 | 18:25
Ավինյանի նոր աշխատավարձը՝ հին ամսականից ցա՞ծր․ քաղաքապետի վարձատրության հանելուկը
Թուրքիայի և ԱՄՆ-ի միջև վիզայի ճգնաժամը կարգավորվել է
Քաղաքականություն
29.12.2017 | 13:19
ԱՄՆ-ն վերացրել է Թուրքիայի քաղաքացիներին տրամադրվող վիզաների արգելքը: Ըստ թուրքական «Haberturk» լրատվամիջոցի՝ ի պատասխան դրան Թուրքիան էլ իր հերթին սկսել ԱՄՆ-ի քաղաքացիներին տրամադրել վիզաներ. հաղորդում է EH-ն:
Ամերիկյան կողմն իր որոշումը հիմնավորել է այն հանգամանքով, որ վերջին ժամանակներս Թուրքիայում իրադրությունը համեմատած ավելի հանգիստ է և Թոփուզի ձերբակալությունից հետո ԱՄՆ-ի հյուպատոսարանի և դեսպանության որևէ այլ աշխատակից չի ձերբակալվել: Ընդգծվել է, որ Թուրքիան պահել է տված խոստումը, որով հավաստիացվում էր, թե ԱՄՆ դիվանագիտական կորպուսի ոչ մի աշխատակից այլևս չի ձերբակալվի:
Սակայն ԱՄՆ-ում Թուրքիայի դեսպանությունը պնդել է, որ թուրքական կողմը ԱՄՆ-ին որևէ երաշխիքներ չի տվել, թե այլևս ոչ մի ամերիկացի դիվանագիտական աշխատակից չի ձերբակալվի:
Հիշեցնենք, որ Ստամբուլում ԱՄՆ-ի գլխավոր հյուպատոսարանի աշխատակից Մեթին Թոփուզի՝ Թուրքիայում ահաբեչական խմբավորում համարվող գյուլենակա կառույցի հետ կապի մեղադրանքով կալանավորումից հետո ԱՄՆ-ը դադարեցրել էր Թուրքիայի քաղաքացիներին մուտքի վիզաների տրամադրումը։ Թուրքական կողմը իր հերթին նմանատիպ արգելք էր մտցրել ԱՄՆ քաղաքացիների համար։
