31.01.2026 | 13:10
Մշակույթի նախկին նախարար Հասմիկ Պողոսյանը դատապարտվել է 4 տարի 6 ամիս ժամկետով ազատազրկման, կիրառվել է համաներում
Կանգ չենք առնի, քանի դեռ մեր պահանջները չեն իրագործվել. «Աջ ղեկ» նախաձեռնության անդամները կվերսկսեն բողոքի ակցիաները
28.12.2017 | 18:45
«Աջ ղեկ» շարժման համակարգող Գևորգ Աճեմյանի կարծիքով՝ կառավարությունը փորձում է կոսմետիկ փոփոխություններով կանխել հանրային դժգոհությունը՝ աջ ղեկով մեքենաների աղմկահարույց որոշման հետ կապված. «Սրանք կոսմետիկ փոփոխություններ են և որևէ գլոբալ խնդրի լուծում չեն տալու»,- Factor.am-ի հետ զրույցում ասաց Աճեմյանը:
Նշենք, որ ըստ ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայության՝ աջ ղեկով ավտոմեքենաների մասին որոշման նախագիծը խմբագրվել և ներկայացվել է համապատասխան գերատեսչությունների քննարկմանը: Աճեմյանի խոսքով նախարարությունն աջ ղեկով մեքենաների արգելքին գնաց ճնշումների և բիզնես շահերի համադրության կոնտեքստում: «Եթե աջ ղեկով մեքենաների արգելքի մասին որոշումը մնա անփոփոխ, մենք կգնանք ծայրահեղ քայլերի: Բողոքի ակցիաներ կմեկնարկեն, կանգ չենք առնի, քանի դեռ մեր պահանջները չեն իրագործվել, քանի որ այդ որոշումն անհիմն է»,- նշեց Աճեմյանը:
«Աջ ղեկ» շարժման համակարգողն, անդրադառնալով նախարարի հայտարարությանը, թե աջ ղեկով մեքենաներն անվտանգ չեն, դա որակեց անհեթեթ հայտարարություն. «Երբ խոսում են անվտանգությունից, պետք է գիտակցեն, որ մեքենաները գործարանային ձևով արտադրված են աջ ղեկով և հետևաբար մեկ այլ վայրում չեն կարող այնպես փոխել մեքենայի ղեկը, որ այն կրկին անվտանգ լինի»:
Լիլիթ Շաբոյան
