18.11.2024 | 21:37
ՀՀ ԱԺ նախագահի գլխավորած պատվիրակությունը Վիետնամում է
Արցախում սև գործը կատարած իշխանությունը փորձում է Հայաստանում ճնշումներ իրականացնել. ՀՅԴ անդամ. ՏԵՍԱՆՅՈՒԹ
Քաղաքականություն
12.11.2020 | 12:14
Արցախում սև գործը կատարած քաղաքական իշխանությունը որոշել է նաև Հայաստանում որդեգրել ռեպրեսիաների, քաղաքական բռնաճնշումների, քաղաքականություն՝ փորձելով լռեցնել մեզ, փորձելով հայ ժողովրդի ցասումը, վիրավորանքը բռնության գործիքներով լռեցնել: Այս մասին ընդդիմության հրավիրած մամուլի ասուլիսն հայտարարեց ՀՅԴ ԳՄ անդամ Լիլիթ Գալստյանը։
«Մեզ լռեցնել չի հաջողվի, որովհետև մենք՝ ոչ միայն 17 կուսակցություններս, որոնք նախաձեռնել ենք հանրահավաքները, բողոքի ալիքը պետք է ղեկավարենք, որովհետև մեզ հետ է հայ ժողովուրդը, որովհետև չենք պատրաստվում ընդունել մեզ նետված անարժանապատվության այս սև ձեռնոցը», – ասաց Լիլիթ Գալստյանը։
Նրա խոսքով՝ գործ ունեն կապիտուլայցիա իրականացրած մի քաղաքական իշխանության հետ, որը քաղաքական պատասխանատվություն չի կրում. «Մեր քաղաքական իշխանությունը մեզ հայրենազրկում պարտադրեց»:
«Եթե վստահ եք ձեր գործողություններում, բունկերներում չէիք թաքնվի… Քաղաքական ճնշումներով չեք կարող վախեցնել… Մենք բոլորս քաղաքական բանտարկյալ ենք։ Եթե հայրենիքի համար պայքարը քրեական հետապնդելու գործ է, ապա բոլորս մեկ մարդու պես պայքարելու ենք։ Ճնշումներով, բռնաճնշումներով, ԱԱԾ-ներով մեզ չեք վախեցնի», – ընդգծեց նա:
Մանրամասները՝ տեսանյութում:
