09.07.2026 | 11:03
Բայրամովը հայտարարել է, թե խաղաղության պայմանագիրը կարող է ստորագրվել ՀՀ Սահմանադրության փոփոխությունից հետո միայն
Հիմնադիր խորհրդարանի անդամն ԱԱԾ-ում հարցաքննվել է ու ազատ արձակվել
Հասարակություն
28.12.2017 | 10:47
Վիգեն Նազարյանը շատ լուրջ քրեական գործի շրջանակներում հարցաքննվել է ու ազատ արձակվել. Factor.am- ին ասաց Վիգեն Նազարյանի պաշտպան Արայիկ Պապիկյանը:
Փաստաբանը տեղեկացրեց՝ Հիմնադիր խորհրդարանի անդամն ԱԱԾ էր հրավիրվել վկայի կարգավիճակով. «Գործը լուրջ քննության առարկա գործ է, բայց Վիգեն Նազարյանը, ինչպես պարզ դարձավ հարցաքննությունից, այդ գործի հետ որևէ առնչություն չունի: Հարցաքննությունը շատ նորմալ է անցել, որևէ խնդիր կամ խախտում չի արձանագրվել»:
Նախքան Վիգեն Նազարյանին հարցաքննելը նրա բնակարանում խուզարկություն է իրականացվել, սակայն փաստաբանի պնդմամբ, գործին առնչվող որևէ իր կամ առարկա չի հայտնաբերվել: Փաստաբանն այլ մանրամասներ չհաղորդեց՝ հղում անելով նախաքննական գաղտնիությանը:
«Հուսով ենք, որ պարոն Նազարյանին այլևս չեն անհանգստացնի, ԱԱԾ-ն իր գործողությունները հետագայում կկատարի, որոնք մեզ հետ կապ չեն ունենա և չեն էլ հետաքրքրի»,- եզրափակեց Պապիկյանը:
Հիշեցնենք, որ երեկ Հիմնադիր Խորհրդարանը հաղորդագրություն էր տարածել, որտեղ ասվում է՝ ԱԱԾ աշխատակիցները Վիգեն Նազարյանին ձերբակալել են «այլ երկրի համար աշխատելու» պատճառաբանությամբ: Փաստաբանն ասաց՝ ձևակերպումը մի փոքր այլ էր, սակայն չի կարող մանրամասնել:
Լիլիթ Շաբոյան
