21.05.2026 | 14:53
Քոնոր Մաքգրեգորը գնահատել է իր մարզավիճակը
ՀԱՊԿ-ը ողջունում է ԼՂ հակամարտության գոտում ռազմական գործողությունների դադարեցումը
Քաղաքականություն
11.11.2020 | 16:45
Հավաքական անվտանգության պայմանագրի կազմակերպությունը (ՀԱՊԿ) ողջունում է ԼՂ հակամարտության գոտում ռազմական գործողությունների դադարեցումը: Այս մասին այսօր լրագրողների հետ զրույցում ասել է ՀԱՊԿ գլխավոր քարտուղար Ստանիսլավ Զասը, գրում է ՏԱՍՍ-ը:
«Մենք դրական ենք գնահատում Լեռնային Ղարաբաղի հակամարտության գոտում ռազմական գործողությունների դադարեցման փաստը: Դա հնարավոր դարձավ այն բանից հետո, երբ նոյեմբերի 9-ին Ռուսաստանի, Ադրբեջանի և Հայաստանի ղեկավարները համապատասխան հայտարարություն ստորագրեցին: Մենք ողջունում ենք բոլոր գործողությունները, որոնք հանգեցնում են տարածաշրջանում խաղաղության հաստատմանն ու արյունահեղության դադարեցմանը: ՀԱՊԿ-ում բազմիցս կոչ են արել հակամարտող կողմերին՝ դադարեցնել կրակն ու վերադառնալ բացառապես խաղաղ բանակցությունների միջոցով Լեռնային Ղարաբաղի հակամարտության կարգավորմանը»,- հայտարարել է նա:
ՀԱՊԿ գլխավոր քարտուղարը նաև դրական է գնահատել տարածաշրջանում ռուս խաղաղապահների տեղակայումը։
Տաթև Ֆռանգյան
