16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Նոյեմբերի 8-ի ակցիային վիրավորվել է 27, ձերբակալվել 19 անձ. Վրաստանի ՆԳ փոխնախարար
Քաղաքականություն
09.11.2020 | 15:17
Վրաստանի ՆԳ նախարարի տեղակալ Կախա Սաբանաձեի հայտարարությամբ՝ երեկ Թբիլիսիում անցկացրած բողոքի ակցիան դուրս է եկել ազատ արտահայտման և խաղաղ հավաքների՝ օրենքով սահմանված շրջանակներից և վերածվել է բռնության. գրում է aliq.ge-ն:
Փոխնախարարի խոսքով՝ ակցիայի ընթացքում առողջական տարբեր վնասվածներ են ստացել շուրջ 14 իրավապահ, լրատվականների 3 ներկայացուցիչ և շուրջ 10 ակցիայի մասնակից:
«Ոստիկանությունը նոյեմբերի 8-ին, բողոքի ակցիայի ընթացքում հանրային կարգը խախտելու և ոստիաններին չենթարկվելու համար վարչական կարգով ձերբակալել է 19 անձի»,- հայտարարել է Սաբանաձեն:
Հիշեցնենք՝ երեկ Թբիլիսիում տեղի ունեցավ ընդդիմության մեծամասշտաբ բողոքի ակցիան: Ցուցարարները խորհրդարանի շենքից քայլերթով տեղափոխվեցին Վրաստանի ԿԸՀ-ի գլխավոր գրասենյակ, որտեղ և մի քանի անգամ տեղի ունեցավ բախում ցուցարարների և իրավապահների միջև:
ՆԳ նախարարությունը մի քանի անգամ ջրցան մեքենաներ կիրառեց ցուցարարներին ցրելու համար:
