08.11.2024 | 18:49
Արդարադատության փոխնախարարը Մաթյո Մորիի հետ քննարկել է ՏԻՄ-երում կոռուպցիայի կանխարգելման ուղղությամբ բարեփոխումները
ԱՄՆ հաջորդ նախագահի առաջնային պարտականությունը պիտի լինի խորը բաժանումը վերացնելը
Քաղաքականություն
06.11.2020 | 21:19
Միացյալ Նահանգները մեկ հզոր պետություն է, սակայն, երբ գործը հասնում է ընտրություններին, առաջ է գալիս տպավորություն, որ մարդիկ այստեղ ապրում են երկու տարբեր իրականություններում. գրում է VOA-ն:
Բայդենի աջակիցներն ասում են, որ իրենք այլևս չեն ճանաչում Ամերիկան: «Կարծում ենք, որ Թրամփն է դրա մեղավորը»,- ասում են նրանք:
Թրամփի աջակիցներից շատերն էլ ասում են, թե Թրամփն էր, որը վերականգնեց երկրի տնտեսությունը: «Դրամական շուկայում նկատելիորեն են աճել մեր ներդրումները, այսօր ավելի մեծ եկամուտ ենք ստանում»,- ասում են նրանք:
Երկու տեսակետ, որոնք լիովին արտացոլում են այստեղ առկա բաժանումը:
Ինչպես Կալիֆորնիայի տեխնոլոգիաների հաստատության քաղաքական գիտնական Մայքլ Ալվարեզն է ասում, «Ամերիկայում մարդիկ բաժանված են կուսակցական և գաղափարախոսական սահմաններով: Մենք բաժանված ենք սոցիալական ու տնտեսական հարցերով»:
Ինչ վերաբերում է ընտրությունների ընթացքին, պետք է հիշեցնել, որ Բայդենի ընտրարշավը հիմնականում կենտրոնանում էր կորոնավիրուսի համաճարակի հարցում Թրամփի վարած, իրենց խոսքերով ասած, սխալ քաղաքականության վրա: Սակայն քվեների միայն չնչին տարբերությունն այսօր ցույց է տալիս, որ Բայդենի թիմն այս ընթացքում բաց է թողել մի շարք այլ կարևոր հարցեր:
Հավասար պայքարի ընթացքը ցույց է տալիս նաև ԱՄՆ-ում փոփոխվող ժողովրդագրությունը և քաղաքական աշխարհագրությունը: Մայքլ Ալվարեզի խոսքերով, դեմոկրատները միշտ չէ, որ կարող են վստահել սևամորթ ամերիկացիների աջակցությանը: «Կարծում եմ, որ նրանց լիակատար աջակցությունը վայելելու համար դեռ անելիքներ շատ ունեն»,- ասում է նա:
Ով է,լ ի վերջո, ընտրվի հաջորդ նախագահ, առերեսվելու է մի շարք լուրջ խնդիրների, որոնցից առաջինը շարունակվող համաճարակն է, այնուհետև` տնտեսական անկումը: Խնդիրներ, որոնք հարթելու ճանապարհին պիտի փորձի վերացնել խորը բաժանումն ամերիկացիների շրջանում:
