16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիան «կոշտ պատասխան» է խոստանում Ֆրանսիային «Գորշ գայլերի» արգելքից հետո
Քաղաքականություն
05.11.2020 | 19:11
Թուրքիան խոստացել է «կոշտ պատասխան տալ» Ֆրանսիային թուրքական «Գորշ գայլեր» ուլտրաազգայնական խմբավորման արգելքից հետո, որը կապված է Թուրքիայի նախագահ Ռեջեփ Թայիփ Էրդողանի գլխավոր դաշնակցի հետ, փոխանցում է EurAsia Daily-ն՝ հղում կատարելով France-Presse գործակալությանը։
Աջակողմյան ծայրահեղական այս խմբավորումը դիտարկվում է որպես Ազգայնական շարժում կուսակցության (MHP) «ռազմատենչ» թև, որը դաշնակից է Էրդողանի իշխող «Արդարություն և զարգացում» կուսակցությանը։
Թուրքիայի արտգործնախարարը հայտարարել է, որ Ֆրանսիայի իշխանությունները պետք է «պաշտպանեն Ֆրանսիայում թուրքերի հավաքների անցկացման ազատության ու ինքնարտահայտման իրավունքը»։
«Մենք ամենակոշտ կերպով կարձագանքենք այդ որոշմանը», – ասվում է հայտարարության մեջ։
Հավելենք, որ Ֆրանսիայի իշխանությունները «Գորշ գայլերի» հանդեպ նման որոշում են կայացրել այն բանից հետո, ինչ Ֆրանսիայում Հայոց ցեղասպանության զոհերի հիշատակին նվիրված հուշարձանը պղծվել է։
Տաթև Ֆռանգյան
