18.11.2024 | 22:22
Բաքվում COP29-ի ընթացքում աշխատակիցներից մեկը բողոքի ակցիա է իրականացրել աշխատավարձի չվճարման համար
Խնդրի լուծումը ռազմադաշտում է. հույսը դնել, որ քո փոխարեն ուրիշն է կռվելու քո հողի համար, ուղղակի կործանարար է. Շավարշ Քոչարյան
Տեսանյութեր
05.11.2020 | 16:01
Այսօր արցախյան խնդրի լուծումը հիմնականում ռազմի դաշտում է, սա ճշմարտություն է, որը բոլորիս համար պետք է ակնհայտ լինի։ Կախված մեր հաջողություններից, որոնք, կարծում եմ, բոլորս էլ զգում ենք, որ մոտակա ժամանակներում լինելու են, էապես փոխվելու է ամեն ինչ: Այսօր խորհրդարանում ԱԺ տարածաշրջանային և եվրասիական ինտեգրման հարցերի և ֆինանսավարկային ու բյուջետային հարցերի մշտական հանձնաժողովների համատեղ նիստում այս մասնին ասաց ՀՀ արաքին գործերի փոխնախարար Շավարշ Քոչարյանն՝ անդրադառալով արցախյան խնդրի լուծմանը։
«ԼՂ խնդիրը վերաբերում է և՛ Հայաստանի դաշնակից, և՛ հարևան երկրներին, և ակնհայտ է, որ հույս դնելը, որ քո փոխարեն ուրիշն է կռվելու քո հողի համար, ուղղակի կործանարար է։ Առաջին հերթին, հայ ժողովուրդը պետք է պահի իր հողը, իր գոյատևման համար առաջին հերթին պետք է մենք պետք է պայքարենք։ Այլ բան է, որ Հայաստանը պետք է ձգտի՝ առավելագույն աջակցություն ստանալ թե՛ իր հարևաններից, և թե՛ դաշնակիցներից»,- նշեց Քոչարյանը:
Նրա խոսքով՝ այս ընթացքում կանոնավոր աշխատանք է տարվել եվրասիական ուղղությամբ։ «Մենք հետևողական և կանոնավոր աշխատանքներ ենք տարել նաև մեր հարևաններ Վրաստանի և Իրանի հետ։ Իհարկե, տվյալ պարագայում այս իրավիճակը չի կարող չանհանգստացնել մեր հարևաններին։ Իրանին չի կարող չանհանգստացնել այն հանգամանքը, որ ահաբեկիչները հայտնվել են իր սահմանի մոտ։ Իրանն այդ մասին խոսում է, նաև բավականին նախապատրաստական աշխատանքներ է տանում։ Բնական է, ահաբեկիչների հետ կապված վտանգ զգում է նաև ՌԴ-ն, քանի որ այդ վտանգը մոտենում է Հյուսիսային Կովկասին և, ընդհանուր առմամբ, ամբողջ ԱՊՀ տարածքին։ Այդ վտանգից զերծ չի մնում նաև Կենտրոնական Ասիան։ Այնպես որ ձևավորվել է այնպիսի իրավիճակ, որն, այսպես ասած, մտահոգում է բազմաթիվ պետությունների, որոնց հետ մենք ունենք այս կամ այն աստիճան խորացված հարաբերություններ»,- ասաց Շավարշ Քոչարյանը։
Մանրամասները՝ տեսանյութում:
