18.11.2024 | 19:21
Վարչապետը շրջայց է կատարել Վատիկանի թանգարաններում, ծաղիկներ խոնարհել Գրիգոր Լուսավորչի և Գրիգոր Նարեկացու արձանների մոտ
Դեսպանների համալրման գործընթացը հենց հիմա էլ տեղի է ունենում. ԱԳ նախարար
Քաղաքականություն
05.11.2020 | 11:51
Կան երկրներ, որտեղ ՀՀ-ն մինչ օրս դեսպաններ չունի նշանակված, և դա հավելյալ խնդիրներ է առաջացնում։ Այս մասին այսօր Ազգային ժողովի արտաքին հարաբերությունների ու ֆինանսավարկային և բյուջետային հարցերի մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի մասին» ՀՀ օրենքի նախագծի քննարկման ժամանակ ասաց «Իմ քայլը» խմբակցության պատգամավոր Տաթևիկ Հայրապետյանը։
Դիմելով ԱԳ նախարար Զոհրաբ Մնացականյանին՝ պատգամավորը հետաքրքրվեց՝ արդյո՞ք մենք ունենք դեսպանների համալրման խնդիր։
Մնացականյանը նշեց, որ հենց այս փուլում համալրման գործընթաց է տեղի ունենում։ «Դեսպանների համալրման գործընթացը հենց հիմա տեղի է ունենում: Բնականաբար, այդ գործընթացն այնպիսին է, որ հրամանի պահին է հայտարարվում, որ գործընթացն ավարտվել է: Մենք մոտ մեկ ամիս հետ ընկանք, բայց գործընթացը որևէ կերպ չկանգնեց»,- ասաց նախարարը:
