22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Իսրայելը 10 երկրի հետ բանակցություններ է վարում՝ դեսպանատները Երուսաղեմ տեղափոխելու համար
Քաղաքականություն
26.12.2017 | 11:42
Իսրայելը բանակցություններ է վարում ավելի քան 10 երկրների հետ՝ Երուսաղեմն Իսրայելի մայրաքաղաք ճանաչելու և դեսպանատները Թել Ավիվից Երուսաղեմ տեղափոխելու համար: Այս մասին հայտարարել է Իսրայելի փոխարտգործնախարար Ցիպի Հոտովելին. տեղեկացնում է ria.ru-ն:
«Բոլոր մայրցամաքներից երկրներ կան: Ես կարող եմ ասել, որ խոսքն ավելի քան 10 երկրի մասին է, և մենք արտգործերի նախարարությունում կշռադատված աշխատանք ենք իրականացնում դրանցից յուրաքանչյուրի հետ», – ասել է Խոտովելին:
Պաշտոնյայի խոսքով՝ վերոնշյալ երկրներից որոշները եվրոպական են:
«Հաարեց» թերթի հետ զրույցում Խոտովելին նշել է, որ բանակցությունները կենտրոնացած են առաջին հերթին Երուսաղեմը որպես Իսրայելի մայրաքաղաք ճանաչելու, այլ ոչ թե դեսպանատներն անմիջապես Թել Ավիվ տեղափոխելու վրա:
