23.11.2024 | 18:09
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Ո՞ւմ են պետք մեր տները և փողը, եթե չունենանք հայրենիք․ Շվեդիայի հայկական համայնքը շարունակում է օգնել. ՏԵՍԱՆՅՈՒԹ
Հասարակություն
04.11.2020 | 20:15
Խամաճիկների պետական թատրոնում խամաճիկների հյուրն այս անգամ Արցախի փոքրիկներն են: Առաջին ներկայացումը չէ, որ նայում են, բայց առաջինն է, որ Երևանում են նայում:
Նախաձեռնությունը Շվեդիայի հայ համայնքինն է։
Համայնքի ներկայացուցիչ Լորանս Շարոյանը եկել է Հայաստան, որ տեղում տեսնի ինչ է պետք և փորձի աջակցության ուղիներ գտնել։
Շվեդիայում գտնվող հայերի մինչ օրս տրամադրած օգնության հստակ չափը չգիտեն, Շարոյանն ասում է՝ չեն հաշվում։ Շատ նախաձեռնություններ կան ու անընդհատ օգնության չափն ավելանում է։ Սփյուռքում գտնվողներին հորդորում է՝ «Շվեդիայում, թե այլուր՝ շարունակել օգնել հայրենիքին»։
«Ո՞ւմ են պետք մեր տները և փողը, եթե չունենանք հայրենիք։ Զինվորի համազգեստի կողքին ոչինչ չարժեն մեր փողեը։ Այս փոքրիկները մասն են պատերազմի, նրանց հայրիկները կյանքով պաշտպանում են մեր պատիվը», – նշեց Լորանս Շարոյանը։
Օգնել առաջնագծում ու նաև թիկունքում՝ թեկուզ այսպես փոխելով մի խումբ երեխաների օրը։ Նմանատիպ միջոցառումներ էլի են կազմակերպելու։ Շվեդերեն գրված «Շտապօգնություն Հայաստանին» այս էջում պարբերաբար տեղեկությունները թարմացնում են։ Ուրախ կլինեն եթե ավելի շատ արցախցիներ տեղեկանան ու միանան։
Մանրամասները՝ տեսանյութում:
Իրինա Մկրտչյան
