17.02.2026 | 16:03
Վարչապետը շնորհավորական ուղերձներ է հղել Չինաստանի նախագահին և պետական խորհրդի նախագահին
Ճգնաժամի ազդեցությունը մեղմելու ճանապարհը ծախսերի ընդլայնումն է. Ջանջուղազյան. ՏԵՍԱՆՅՈՒԹ
Տնտեսություն
04.11.2020 | 11:50
Կառավարությունը չի պատրաստվում 2021 թվականի պետական բյուջեով նախատեսված ծախսերը կրճատել: Փորձ է արվելու կատարել քայլեր, որ ծախսերի բաղադրիչը պահպանվի տնտեսական աճը վերականգնելու համար: Այս մասին «ՀՀ 2021թ. պետական բյուջեի մասին» ՀՀ օրենքի նախագծի քննարկման ժամանակ ասաց ՀՀ ֆինանսների նախարարԱտոմ Ջանջուղազյանը:
ԱԺ «Լուսավոր Հայաստան» խմբակցության պատգամավոր Անի Սամսոնյանը նշեց, որ համավարակային և պատերազմական իրավիճակի պայմաններում ծախսերը պետք է լինեն ավելի խնայողական.«Եվ դա առաջին հերթին վերաբերում է վարչական ծախսերին, աշխատակազմերին, որտեղ լինում են ծախսեր ինչ-որ միջոցառումների, թանկարժեք գնումների համար»: Սամսոնյանը հետաքրքրվեց՝ նախատեսվո՞ւմ են արդյոք էական կրճատումներ, խնայողություններ այդ գումարներն այլ բնագավառներ ուղղելու համար:
Ատոմ Ջանջուղազյանը չհամաձայնեց պնդման հետ՝ նշելով, որ հարկաբյուջետային քաղաքականության տրամաբանությունը ճիշտ հակառակն է: «Ճգնաժամի պայմաններում, ինչպես նաև վերականգնմանը նպաստող միջավայր ձևավորելու տեսակետից ծախսերի կրճատման հարց քննարկելը հիմնավորված չէ», – ասաց նախարարը:
Անդրադառնալով հարցին, թե արդյոք ծախսերում վերաբաշխումներ կատարելու անհրաժեշտություն կլինի, Ջանջուղազյանը պատասխանեց, որ դա տեղի է ունենում նաև այսօր, և այդպիսի անհրաժեշտություն առաջանալ նաև հաջորդ տարի:
Մանրամասները՝ տեսանյութում:
