21.05.2026 | 14:46
Հանդիպել ենք Դոնբասի և Լուգանսկի ղեկավարների հետ․ այցը եղել է հրապարակային․ Թևանյան․ ՏԵՍԱՆՅՈՒԹ
Որոշակի աշխատանքներ են տարվել Լեռնային Ղարաբաղի հակամարտության կարգավորման ուղղությամբ․ Ռուդենկո
Քաղաքականություն
03.11.2020 | 15:03
ԵԱՀԿ Միսնկի խմբի շրջանակներում որոշակի աշխատանքներ են տարվել Լեռնային Ղարաբաղի հակամարտության կարգավորման ուղղությամբ, լրագրողներին հայտարարել է ՌԴ ԱԳՆ փոխնախարար Անդրեյ Ռուդենկոն, փոխանցում է ՌԻԱ Նովոստին։
«Առայժմ շատ որոշակի աշխատանքներ են կատարվել ԵԱՀԿ Մինսկի խմբի շրջանակներում, խոսքը հենց դրանց մասին է»,- ասել է Ռուդենկոն։
Նա ընդգծել է, որ Մոսկվան կողմ է ղարաբաղյան հակամարտության խաղաղ կարգավորմանը։
«Մենք միանշանակ ելնում ենք այն բանից, որ հակամարտությունը չի կարող ունենալ ռազմական լուծում, հակամարտության լուծումը պետք է լինի քաղաքական, համապարփակ՝ հաշվի առնելով բոլոր շահագրգիռ կողմերի շահերը»,- նշել է ՌԴ փոխարտգործնախարարը։
Նա նաև հավելել է, որ դեռևս վաղ է խոսել Հայաստանի ու Ադրբեջանի ղեկավարների հանդիպման մասին։
«Մեզ մոտ փորձագիտական մակարդակով են ընթանում բանակցությունները, նախ և առաջ Մինսկի խմբի շրջանակներում, մեկ այլ բանի մասին խոսելը դեռևս վաղ է»,- հավելել է Ռուդենկոն։
Տաթև Ֆռանգյան
