08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
18 միլիարդ 825 մլն դրամ պարգևավճար է նախատեսված 2021 թ․ բյուջեով, ինչը նախորդ տարվանից ավելի է 21 տոկոսով․ Արկադի Խաչատրյան. ՏԵՍԱՆՅՈՒԹ
Տնտեսություն
02.11.2020 | 13:00
2021 թվականի պետական բյուջեով պարգևատրումների համար նախատեսված է 18 միլիարդ 825 միլիոն դրամ՝ չհաշված քաղծառայողների համար նախատեսվածը, իսկ այս ցուցանիշը 21 և ավելի տոկոսով գերազանցում է նախորդ տարվան։ Այս մասին այսօր ԱԺ Ֆինանսավարկային և բյուջետային հարցերի մշտական հանձնաժողովում 2021 թվականի բյուջեի նախագծի քննարկման ժամանակ ասաց «Լուսավոր Հայաստան» խմբակցության պատգամավոր Արկադի Խաչատրյանը՝ դիմելով նախագիծը ներկայացնող Ֆինանսների նախարար Ատոմ Ջանջուղազյանին։
Պատգամավորը հետաքրքրվեց՝ արդյո՞ք այս նոր իրողություններով պայմանավորված՝ Կառավարությունն մտադիր է վերանայել սա, թե՞ այս թիվը նույնությամբ մնալու է։
Ջանջուղազյանը նշեց․ «Մենք բազմիցս առիթ ունեցել ենք այդ հարցին անդրադառնալու։ Անվանումը, դժվար է ասել, որ արտահայտում է բովանդակությունը, որովհետև մենք, ըստ էության, որպես միջանկյալ լուծում ենք ներկայացրել այս լուծումը, այնքան ժամանակ, քանի դեռ պետական կառավարման համակարգի բարեփոխումը չի հասել իր տրամաբանական ավարտին և չի գտնվել ճիշտ լուծումը ծանրաբեռնվածության բաշխման և աշխատանքի վարձատրության համարժեք համակարգի։ Մինչ այդ սա ժամանակավոր լուծում է։ փոփոխությւոնը՝ առաջ կամ հետ, դրական կամ բացասական, ընդամենը պայմանավոված է ընթացիկ ծախսեի բոլոր տողերին է սա վերաբերում, դրա տակ ընկած գործոնբների փոփոխությամբ։ Այսինքն՝ այն գործոնները, որոնք օգտագործվել; են այս կամ այն հարցի հաշվարկը կատարելու համար, եթե դրանք փոփոխության են ենթարկվել, ապա դրանից կախված փոփոխության է ենթարկվել ընթացիկ չափը»,- ասաց նախարարը։
Մանրամասները՝ տեսանյութում։
