10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Մոսկվայում մոտ 30 չվերթ է հետաձգվել. ուղևորները փակել են «Դոմոդեդովոյի» սպասասրահներից մեկը
Հասարակություն
29.05.2017 | 13:24
Մոսկվայի օդանավակայաններում ավելի քան 30 չվերթ է հետաձգվել․ հաղորդում է Gazeta-ն՝ մանրամասնելով, որ «Դոմոդեդովո» օդանավակայանում հետաձգվել է 21 չվերթ, չեղարկվել է 6-ը, «Շերեմետևո» օդանավակայանում հետաձգվել է 10 չվերթ, իսկ Վնուկովո և ժուկովսկի օդանավակայաններում չվերթերն իրականացվում են ըստ ժամանակացույցի։
Ըստ ՌԴ հիդրոօդերևութաբանական կենտրոնի՝ Մոսկվայում ու հարակից շրջաններում ուժեղ քամու և կայծակների պատճառով հայտարարվել է եղանակային վտանգի «դեղին» մակարդակ:
Իսկ ահա lenta-ի փոխանցմամբ՝ «Վիմ-Ավիա» ռուսական ավիաընկերության ուղևորները բողոքի ակցիա են կազմակերպել «Դոմոդեդովո» օդանավակայանում՝ չվերթների զանգվածային ուշացումների պատճառով: Նրանք փակել են «Դոմոդեդովոյի» սպասասրահներից մեկը և արգելափակել տեղեկատվական կետերը: Նշվում է, որ հետաձգվել են ինչպես ներքին, այնպես էլ միջազգային չվերթներ:
