21.05.2026 | 11:41
Տեղական գործակալներն ու նրանց օտարերկրյա տերերը փորձում են մեզ հակադրել Հայաստանին. Կոբախիձե
Պեսկովը՝ ԼՂ-ում ռուս խաղաղապահների տեղակայելու հնարավորության մասին
Քաղաքականություն
30.10.2020 | 14:38
ՌԴ նախագահ Վլադիմիր Պուտինը Հայաստանի ու Ադրբեջանի ղեկավարների հետ հանդիպումների ժամանակ քննարկում է հարցերի լայն շրջանակ, որոնք առնչվում են Լեռնային Ղարաբաղի հակամարտության կարգավորմանը։ ՏԱՍՍ-ի փոխանցմամբ՝ այս մասին այսօր լրագրողներին հայտնել է ՌԴ ղեկավարի խոսնակ Դմիտրի Պեսկովը։
Մեկնաբանելով ՀՀ վարչապետ Նիկոլ Փաշինյանի հայտարարությունը, թե Հայաստանը դեմ չէ Լեռնային Ղարաբաղում ռուս խաղաղապահների տեղակայմանը, Կրեմլի պաշտոնական ներկայացուցիչն ընդգծել է, որ «ցանկացած խաղաղապահներ հակամարտության գոտի մտցվում են բացառապես երկու կողմերի համաձայնությամբ»։
Հարցին՝ պատրա՞ստ է Ռուսաստանը ԼՂ հակամարտության գոտում խաղաղապահներ տեղակայել, եթե դրան համաձայնի նաև Ադրբեջանը, Պեսկովը պատասխանել է․ «Այս հարցում ես հիմա ինչ-որ վերջնական դատողություններ չեմ անի։ Շփումների ժամանակ նախագահը Բաքվի և Երևանի իր գործընկերների հետ քննարկում է հարցերի լայն շրջանակ, որոնք կապված են հնարավոր կարգավորման հետ»։
Տաթև Ֆռանգյան
