17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Հումանիտար բեռների հետ կապված մաքսակետերում խնդիրները Կառավարության ուշադրության կենտրոնում են. ՏԵՍԱՆՅՈՒԹ
Տնտեսություն
30.10.2020 | 13:36
Հումանիտար բեռների հետ կապված մաքսակետերում խնդիրներ կան և այդ խնդիրները բազմաշերտ են: Այս մասին «Սփյուռքը՝ հանուն Արցախի ժողովրդի իրավունքների» թեմայով քննարկման ժամանակ ասաց Սփյուռքի գործերի գլխավոր հանձնակատար Զարեհ Սինանյանը:
Նրա խոսքով՝ սկզբնական փուլում Հայաստան ուղարկվող օգնությունը կատարվում էր անկազմակերպ, ուղարկում էին ինչ կարող էին և ինչպես կարող էին, ուղարկվում էին փաթեթներ՝ առանց սորտավորման, և դա խնդիրներ էր առաջացնում: «Կան նաև հայաստանյան լոգիստիկ խնդիրներ, բայց եթե սկսեն ավելի կարգապահ կերպով սորտավորել և ցուցակագրել այն օգնությունը, որը բեռնավորվում է ինքնաթիռում, և այդ ցուցակները մեզ հատկացվեն, ապա այս խոչընդոտները կվերանան և այստեղ էլ բաշխման աշխատանքները արագ կկազմակերպվեն:
Սփյուռքի գործերի գլխավոր հանձնակատարը տեղեկացրեց, որ տարբեր երկրներից Սփյուռքը մեծ օգնություն է ուղարկում Հայաստան, բայց Ռուսաստանից եկող օգնությունը հսկայածավալ է: «Ռուսաստանաբնակ հայերը շատ բան են անում, յուրաքանչյուր օր Ռուսաստանից առնվազն երկու ինքնթիռ է իջնում, բացի դրանից՝ այնտեղից բեռնատարների անվերջ հոսք կա դեպի Հայաստան:
Սինանյանը նաև հավելեց, որ հումանիտար բեռների հետ կապված խնդիրները Կառավարության ուշադրության կենտրոնում են:
Մանրամասները՝ տեսանյութում:
