Քաղաքականություն
30.10.2020 | 12:21
Ռուս խաղաղապահների տեղակայումը կարող է լինել Լեռնային Ղարաբաղի հակամարտության «օպտիմալ լուծում»։ ՀՀ վարչապետ Նիկոլ Փաշինյանն այս մասին ասել է «The Telegraph»-ին տված հարցազրույցում:
«Ես կողմ եմ հակամարտության գոտի ռուս խաղաղապահների մուտքին: Բայց խնդիրն այն է, որ հակամարտության գոտում Ռուսաստանի Դաշնությունից խաղաղապահ ուժերի տեղակայումը պետք է հաստատվի հակամարտության բոլոր կողմերի կողմից»,- ասել է Փաշինյանը:
Վարչապետը նաև նշել է, որ, իր կարծիքով, Եվրոպան պետք է ավելի շատ ջանքեր գործադրի՝ Ադրբեջանին Թուրքիայի կողմից ցուցաբերվող աջակցության դադարեցման համար:
Հիշեցնենք, որ ավելի վաղ Հայաստանի արտգործնախարար Զոհրաբ Մնացականյանը ևս հայտարարել էր, թե Երևանը կողմ է ԼՂ-ում խաղաղապահ ուժերի տեղակայմանը։ Հայկական կողմը կարծում է, որ նման քայլը թույլ կտա հասնել զինադադարի, իսկ այնուհետև այդ ռեժիմի ամրապնդմանը։
Տաթև Ֆռանգյան
