02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Մոսկվայում չեն հերքում՝ ԼՂ-ում կռվող սիրիացի վարձկանները կարող են ներթափանցել Ռուսաստան
Քաղաքականություն
30.10.2020 | 11:55
ՌԴ ԱԳՆ-ն չի հերքում վտանգի առկայությունը, որ Լեռնային Ղարաբաղի հակամարտության գոտում ռազմական գործողություններին մասնակցող Սիրիայից և Լիբիայից վարձկանները կարող են ներթափանցել Ռուսաստան:
«Նման վտանգը, իհարկե, չի կարելի ժխտել։ Ահաբեկչության դեմ պայքարում մանրուքներ չեն լինում։ Կարևոր է վերլուծել ցանկացած ռիսկ, այդ թվում՝ պոտենցիալ ռիսկերը, մեկ քայլ առաջ ընկնելով աշխատել»,- ՌԻԱ Նովոստիին տված հարցազրույցում ասել է ՌԴ փոխարտգործնախարար Օլեգ Սիրոմոլոտովը:
«Ռուսական իրավապահ համակարգը համակ ուշադրությամբ հետևում է իրավիճակին և, ինչպես ասում են, ձեռքը զարկերակին է պահում»,- եզրափակել է Սիրոմոլոտովը։
Հիշեցնենք՝ ավելի վաղ ՌԴ Արտաքին հետախուզության ծառայության ղեկավար Սերգեյ Նարիշկինը հայտարարել էր, թե կան տեղեկություններ, որ Մերձավոր Արևելքում կռվող միջազգային ահաբեկչական կազմակերպությունների վարձկաններն ակտիվորեն տեղափոխվում են ղարաբաղյան հակամարտության գոտի, ընդ որում՝ խոսքը գնում է հազարավոր արմատականների մասին:
Տաթև Ֆռանգյան
