01.04.2026 | 10:18
Թրամփը հայտարարել է, որ ԱՄՆ-ը հասել է իր նպատակներին և «շուտով» կդադարեցնի Իրանի վրա հարձակումները
Սահմանափակվում է COVID-ից մահացած անձանց վերաբերյալ տեղեկատվության տրամադրումը
Քաղաքականություն
29.10.2020 | 20:02
Առողջապահության նախարարությունն այսօրվանից սահմանափակում է COVID-19-ից մահացած անձանց վերաբերյալ տեղեկատվության տրամադրումը։ Մինչև այսօր մահացած պացիենտների թիվը հրապարակելիս նշվում էր նաև նրանցից յուրաքանչյուրի տարիքը, սակայն այսօր նախարարությունը տեղեկացրել է, որ համավարակից մահացել է 29 մարդ։
Առողջապահության նախարարության մամուլի խոսնակ Ալինա Նիկողոսյանը Factor.am-ին փոխանցեց՝ նախարարությունը որոշել է, որ նպատակահարմար չէ նման տեղեկատվության տրամադրումը։ Խոսնակը չպարզաբանեց, թե ինչ հանգամանքներ են հաշվի առնվել՝ նպատակահարմարությունը որոշելու համար։
Երեկ կատարվել է 5․027 թեստավորում, որից հաստատվել է կորոնավիրուսային հիվանդության 2․383 նոր դեպք: Ունենք 749 առողջացած և 29 մահվան դեպք:
Նախորդ օրն արձանագրվել է մահվան 2 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 354 է:
Գերատեսչությունից նաև հայտնում են՝ կորոնավիրուսով վարակված 424 հիվանդ ենթակա է հոսպիտալացման, սակայն ազատ մահճակալները շուրջ 100-ով քիչ են։ Ազատ է 311 մահճակալ։
Նարեկ Կիրակոսյան
