22.02.2026 | 16:38
Ուկրաինայի ուղղությամբ արձակվել է գրեթե 300 հարվածային դրոն․ Զելենսկի
Սիմֆոնիկ նվագախումբը կկազմակերպի բարեգործական համերգներ. հասույթը կփոխանցվի Զինծառայողների ապահովագրության հիմնադրամին
Հասարակություն
27.10.2020 | 16:54
Հայաստանի պետական սիմֆոնիկ նվագախմբի նախաձեռնությամբ տեղի կունենան առցանց հեռարձակվող բացօթյա բարեգործական համերգներ‚ որոնց ընթացքում հանգանակված բոլոր միջոցները կփոխանցվեն Զինծառայողների ապահովագրության հիմնադրամին։
Համերգները հեռարձակվելու են Հայաստանի պետական սիմֆոնիկ նվագախմբի (https://www.facebook.com/ArmSymphony) և Զինծառայողների ապահովագրության հիմնադրամի (https://www.facebook.com/1000plus.am/) ֆեյսբուքյան էջերով։
Համերգները տեղի կունենան.
հոկտեմբերի 30-ին՝ ժամը 13.00‚ Վազգեն Սարգսյան 10 հասցեի (Piazza Grande) հարակից տարածքում‚
հոկտեմբերի 31-ին՝ ժամը 17.00‚ Կասկադում‚
նոյեմբերի 1-ին՝ ժամը 17.00‚ Շառլ Ազնավուրի հրապարակում («Մոսկվա» կինոթատրոնի հարակից տարածք)‚
նոյեմբերի 2-ին՝ ժամը 13.00‚ Գարեգին Նժդեհի հուշարձանի մոտ (Նալբանդյան–Արամի–Բուզանդի–Հանրապետության փողոցներին հարակից զբոսայգի)։
Հանգանակությունները կարող են կատարվել տեղում և https://donate.armsymphony.am/ կայքի միջոցով։
Հրավիրում ենք հանրությանը և լրատվամիջոցներին՝ մասնակցելու հայրենիքի սահմանները պաշտպանելիս զոհված և վիրավորված հերոսների ընտանիքներին սոցիալական աջակցության ցուցաբերմանն ուղղված այս նախաձեռնությանը։
Հորդորում ենք պահպանել հակահամաճարակային կանոնները (կրել դիմակներ‚ պահպանել սոցիալական հեռավորություն)։
