21.05.2026 | 13:39
Ֆուտզալի Հայաստանի գավաթի եզրափակիչում գրանցվել է խոշոր հաշիվ․ ՏԵՍԱՆՅՈՒԹ
Ադրբեջանում գտնվող թուրքական F-16-երը տեղափոխվել են նոր ռազմաբազա․ ԼՈՒՍԱՆԿԱՐՆԵՐ
Քաղաքականություն
27.10.2020 | 11:18
Ադրբեջանի տարածքի արբանյակային լուսանկարները հաստատում են, որ այս հարավկովկասյան երկրի տարածքում գտնվում են 6 հատ F-16 կործանիչներ, որոնք, «ամենայն հավանականությամբ, պատկանում են Թուրքիային», գրում է The Drive-ը։
Maxar Technologies ընկերությունը, որը մասնագիտացված է տիեզերքից լուսանկարներ անելու գործում, ֆիքսել է թուրքական բազմաթիրախային ռազմամեքենաները Ադրբեջանի Գաբալայի օդանավակայանում։ Ավելի վաղ տեղեկություններ էին ստացվել, որ Թուրքիայի ռազմաօդային ուժերին պատկանող F-16-երը գտնվում են Լեռնային Ղարաբաղի հակամարտության գոտուն մոտ՝ Գյանջայի օդանավակայանում, սակայն հայկական ուժերի կողմից Գյանջայում մի քանի հրթիռային հարվածներից հետո կործանիչները տեղափոխվել են Գաբալա։
«Չնայած այս մասին բացարձակ վստահությամբ հնարավոր չի ասել, սակայն, ամենայն հավանականությամբ, Թուրքիան է ղեկավարում այդ ինքնաթիռները։ Թուրքիայի ռազմաօդային ուժերն առաջին անգամ 6 հատ F-16-ից բաղկացած կոնտինգենտ են ուղարկել Գյանջայի օդանավակայան, իբրև թե, մյուս թուրքական ու ադրբեջանական ուժերի հետ հուլիսի 31-ին զորավարժությունների մասնակցելու համար»,- նշում է The Drive-ը։
Հիշեցնենք, որ Ադրբեջանի նախագահ Իլհամ Ալիևն արդեն հայտարարել է, որ թուրքական F-16 կործանիչները կօգտագործվեն Ադրբեջանի կողմից հնարավոր արտաքին ագրեսիայի դեպքում։
Տաթև Ֆռանգյան
