20.05.2026 | 21:40
Մարտի 1-ին Տեր-Պետրոսյանը մեզ տարավ սրի բերան, ինքը փախավ տուն, դուք կապ չունեք․ քաղաքացին՝ Քոչարյանին. ՏԵՍԱՆՅՈՒԹ
ԱՄՆ-ն Իրանի դեմ նոր պատժամիջոցներ է սահմանել ՝ ընտրական գործընթացներին խառնվելու համար
Քաղաքականություն
23.10.2020 | 14:02
ԱՄՆ ֆինանսների նախարարության արտաքին ակտիվների վերահսկման գրասենյակը (OFAC) պատժամիջոցների ցուցակում է ներառել իրանական հինգ կառույցներ և կազմակերպություններ՝ «ԱՄՆ-ում ընտրությունների վրա ազդելու փորձի համար»: Այս մասին հայտնել են ԱՄՆ ֆինանսների նախարարության մամուլի ծառայությունից, հաղորդում է DW-ի ռուսական ծառայությունը:
Ըստ Վաշինգտոնի՝ «իրանական ռեժիմը որպես թիրախ ընտրել է ԱՄՆ-ի ընտրական գործընթացը՝ համարձակորեն փորձելով տարաձայնություններ սերմանել ընտրողների միջև, ապատեղեկատվություն տարածելով համացանցում և իրականացնելով չարամիտ գործողություններ՝ ուղղված ամերիկացի ընտրողներին խաբելուն»:
Վարչակազմը կարծում է, որ իրանական լրատվական ծառայությունները փորձում են խարխլել «ժողովրդավարական գործընթացները» Վաշինգտոնում՝ հանդես գալով Իսլամական Հանրապետության կառավարության անունից:
Մասնավորապես, պատժամիջոցների ցուցակում ներառվել են Իսլամական հեղափոխության պահապանների կորպուսը՝ Իրանի ռազմաքաղաքական էլիտար ստորաբաժանումը, Իսլամական ռադիոյի և հեռուստատեսության կազմակերպությունների միությունը և Միջազգային վիրտուալ լրատվամիջոցների միությունը։
Տաթև Ֆռանգյան
