01.04.2026 | 14:42
Ապրիլին ամսական միջին ջերմաստիճանը կանխատեսվում է նորմայից ցածր մինչև 1 աստիճան
Ժամանակը սպառվում է․ Վրաստանում մարդկանց պատանդառած հանցագործը պահանջում է ուղղաթիռ ու կես միլիոն դոլար
Քաղաքականություն
21.10.2020 | 18:38
Վրաստանի Զուգդիդի քաղաքի բանկերից մեկում մարդկանց պատանդառած հանցագործի պահանջները կատարելու ժամանակը լրանում է, պատմել է պատանդներից Իրակլի Կվարացխելիան, որը, հանցագործի թույլտվությամբ, կապվել է Վրաստանի Առաջին ալիքի հետ։ Նրա խոսքով՝ ինքը կարող է ասել միայն այն, ինչը թույլատրել է պատանդառուն, գրում է Sputnik Geogia-ն։
Հեռուստաընկերություն զանգահարած անձն ասել է, որ երկու ժամ առաջ բանկը գրաված անձը հրապարակել է իր պահանջները, սակայն պատասխան չի ստացել։ Այժմ ահաբեկիչը ձեռքին նռնակ է պահել ու սպառնում է այն պայթեցնել, եթե մինչև ժամը 18։00-ն իր պահանջները չկատարվեն։
Նա պահանջել է կես միլիոն դոլար, ավտոմեքենա ու ուղղաթիռ, ինչպես նաև ոչ մի փորձ՝ ուժով պատանդներին ազատ արձակելու։
«Մթավարի» հեռուստաալիքն էլ հայտնում է, որ ահաբեկչի հայտարարած վերջնաժամկետը լրանում է 18։30-ին։
Ավելի վաղ տեղեկացրել էինք, զինված տղամարդը Վրաստանի Զուգդիդի քաղաքի բանկերից մեկում 18 մարդու է պատանդ վերցրել։
Տաթև Ֆռանգյան
