19.09.2026 | 11:55
Արտարժույթների փոխարժեքները՝ սեպտեմբերի 19-ի դրությամբ
Պուտինն ու Մակրոնը քննարկել են Լեռնային Ղարաբաղում տիրող իրավիճակը
Քաղաքականություն
20.10.2020 | 19:55
ՌԴ նախագահ Վլադիմիր Պուտինը Ֆրանսիայի նախագահ Էմանուել Մակրոնի հետ հեռախոսազրույցում մանրամասն քննարկել է Լեռնային Ղարաբաղի հարցը։ Այս մասին տեղեկացնում է ՌԴ նախագահի պաշտոնական կայքը։
«Վլադիմիր Պուտինը տեղեկացրել է ռազմական գործողությունների հետագա սրումը կանխելու և Լեռնային Ղարաբաղի խնդրի կարգավորման հարցում քաղաքական-դիվանագիտական լուծման հասնելու համար բանակցությունների շուտափույթ վերսկսմանն ուղղված ՌԴ ձեռնարկած քայլերի մասին»,- նշված է հաղորագրության մեջ։
Կարևորվել է նաև հոկտեմբերի 10-ին և 17-ին կրակի դադարեցման վերաբերյալ ձեռք բերված պայմանավորվածությունները կատարումը։
«Ընդգծվել է Ռուսաստանի և Ֆրանսիայի միջև սերտ համագործակցությունը շարունակելու պատրաստակամությունը, որպես ԵԱՀԿ Մինսկի խմբի համանախագահներ, ինչպես նաև ՄԱԿ-ի Անվտանգության խորհրդի միջոցով», – նշված է հաղորդագրության մեջ։
Բացի այդ, ղեկավարները պայմանավորվել են տարբեր մակարդակներում շփումների մասին:
Հեռախոսազրույցի ընթացքում Ռուսաստանի և Ֆրանսիայի նախագահները հաստատել են իրենց հետաքրքրությունը ահաբեկչության դեմ պայքարում համատեղ ջանքերն ակտիվացնելու հարցում: Պուտինը ցավակցություն է հայտնել հոկտեմբերի 16-ին Փարիզի արվարձանում տեղի ունեցած ահաբեկչության ՝ ֆրանսերենի ուսուցչուհու բարբարոսական սպանության կապակցությամբ:
«Այս համատեքստում հաստատվել է փոխադարձ շահագրգռվածությունը ահաբեկչության դեմ պայքարի և ծայրահեղական գաղափարախոսության տարածման դեմ համատեղ ջանքերն ակտիվացնելու հարցում», – ասված է հայտարարության մեջ:
