01.04.2026 | 20:30
Ես ուզում եմ՝ իշխանության գա ուժ, որը, կհետաքննի պատերազմը, և մարդիկ կիմանան՝ ինչ է կատարվել․ Իզաբելլա Աբգարյան. ՏԵՍԱՆՅՈՒԹ
ՌԴ-ն Թուրքիայի հետ շփումների ժամանակ բարձրացնում է Լեռնային Ղարաբաղում վարձկանների մասնակցության հարցը․ ՏԱՍՍ
Քաղաքականություն
19.10.2020 | 16:30
Ռուսաստանը Թուրքիայի հետ շփումների ժամանակ բարձրացնում է Լեռնային Ղարաբաղի հակամարտության գոտում Սիրիայից ու Լիբիայից վարձկանների տեղափոխման հարցը։ Այս մասին լրագրողներին հայտնել է Մերձավոր Արևելքի ու Աֆրիկայի պետությունների հարցերով ՌԴ նախագահի հատուկ ներկայացուցիչ, փոխարտգործնախարար Միխայիլ Բոգդանովը, փոխանցում է ՏԱՍՍ-ը։
«Մենք քննարկում ենք բոլոր հարցերը»,- ասել է նա։
Ավելի վաղ ՌԴ ԱԳՆ-ն խորը մտահոգություն էր հայտնել Լեռնային Ղարաբաղում ռազմական գործողություններին մասնակցելու համար Սիրիայից ու Լիբիայից ապօրինի զինված խմբավորումների անդամների տեղափոխման մասին լուրերի կապակցությամբ։ Մոսկվան վստահություն է հայտնել, որ նման գործընթացները հանգեցնում են ոչ միայն հակամարտության գոտում լարվածության է՛լ ավելի սրմանը, այլ նաև երկարատև սպառնալիք են ստեղծում տարածաշրջանի երկրների անվտանգության համար։
Տաթև Ֆռանգյան
