15.11.2024 | 13:22
Հակոբ Արշակյանը հյուրընկալել է Միկրոէլեկտրոնիկայի միջազգային ֆորումի շրջանակում Հայաստան ժամանած մի խումբ գիտնականների
«Ծառուկյան» խմբակցությունն այս պահին պատրաստ չէ բավարարել «Ելք»-ի ակնկալիքը. Գևորգ Պետրոսյան
Քաղաքականություն
19.12.2017 | 12:34
«Ծառուկյան» խմբակցությունը դեռևս չի քննարկել «Ելք»-ի առաջարկը՝ նախագահի պաշտոնում նրանց առաջադրած թեկնածուին սատարելու հետ կապված: Այս մասին Factor.am-ի հետ զրույցում ասաց խմբակցության պատգամավոր Գևորգ Պետրոսյանը:
Հիշեցնենք՝ «Ելք»-ը հայտարարել է, որ նախագահի պաշտոնում առաջադրելու է Արտակ Զեյնալյանի թեկնածությունը և դիմելու է «Ծառուկյան» խմբակցությանը՝ նրանց աջակցությունը ստանալու համար:
«Չգիտեմ՝ իրենք ինչ են ակնկալում, ոչ ոք զրկված չէ ակնկալիքներ ունենալու հնարավորությունից, բայց նման դեպքերում, եթե խոսքը վերաբերում է բանակցություններին, ապա պետք է նայել երկու կողմն էլ: Իսկ իրենք պարզե՞լ են «Ծառուկյան» դաշինքը ունի թեկնածու, թե՞ ոչ»,- ասաց պատգամավորը՝ նկատելով, որ իրենք այս պահին սեփական թեկնածուով հանդես գալու հարց չեն քննարկում:
Գևորգ Պետրոսյանը շեշտեց՝ «Ծառուկյան» խմբակցությունն այս պահին պատրաստ չէ բավարարել «Ելք»-ի ակնկալիքը:
Մանրամասները՝ տեսանյութում:
