10.02.2026 | 12:45
Հայ հրաձիգները ոսկե, արծաթե և բրոնզե մեդալներով են վերադարձել պատանեկան ԵԱ-ից
ԼՂ հակամարտությանը ՀԱՊԿ խաղաղապահներին ներգրավելու հարց մեր օրակարգում չկա․ ՀԱՊԿ գլխավոր քարտուղար
Քաղաքականություն
16.10.2020 | 20:11
ՀԱՊԿ-ը ծրագրում է այս տարի ավարտել բոլոր իրավական աշխատանքները, իր խաղաղապահներին ՄԱԿ-ի կազմում ներառելու համար: Այս մասին հայտարարել է ՀԱՊԿ գլխավոր քարտուղար Ստանիսլավ Զասը, գրում է «Բելտա» գործակալությունը:
Վերջինս նաև ընդգծել է, որ այժմ օրակարգում չկա ՀԱՊԿ խաղաղապահներին ԼՂ հակամարտության խաղաղ կարգավորման գործընթացում ներառելու հարց. «Իրավիճակի լուծմանը ներգրավված են Հայաստանն ու Ադրբեջանը և ԵԱՀԿ Մինսկի խմբի անդամ երկրները»։
Զասը հայտարարել է, որ ՀԱՊԿ-ի հիմնական նպատակն է ոչ թե ռազմական, այլ քաղաքական միջոցներով ապահովել միջազգային խաղաղության ու տարածաշրջանային անվտանգության ամրապնդումն ու պահպանումը: Այս նպատակով կան լավ պատրաստված ստորաբաժանումներ, որոնք ունակ են լուծել խաղաղապահ խնդիրներ, հակամարտող կողմերին առանձնացնելու պայմաններ ստեղծել, բանակցային գործընթաց սկսել և, ընդհանուր առմամբ, խաղաղություն հաստատել:
Տաթև Ֆռանգյան
