28.11.2024 | 10:28
Ռոբերտ Քոչարյանը, Յուրի Խաչատուրովը և Սեյրան Օհանյանն ինքնակամ ներկայացել են դատարան, նրանց բերման չեն ենթարկել
Բիշքեկում դադարեցվել են բողոքի ցույցերը․ երկրի ղեկավարի լիազորություններն անցել է վարչապետին
Քաղաքականություն
16.10.2020 | 16:00
Ղրղզստանի մայրաքաղաք Բիշքեկում դադարեցվել են բոլոր տեսակի զանգվածային ակցիաներն ու բողոքի ցույցերը։ Այն վայրերը, որտեղ ամեն օր հավաքվում էր մի քանի հազար մարդ, ամայացել են, գրում է ՌԻԱ Նովոստին։
Բողոքի ցույցերը դադարել են այն բանից հետո, ինչ երկրի նախագահ Սոորոնբայ Ժեենբեկովն ու խորհրդարանի խոսնակ Կանատ Իսաևը հրաժարական են տվել։ Այժմ երկրի ղեկավարի լիազորություններն անցել են Սադիր Ժապարովին, ի աջակցություն որի ընթանում էին բողոքի ցույցերը։
Հիշեցնենք՝ Ղրղզստանի նախագահ Սոորոնբայ Ժեենբեկովը հոկտեմբերի 15-ին հրաժարական է տվել։ Համաձայն երկրի Սահմանադրության՝ նախագահի հրաժարականից հետո նրա լիազորություններն անցնում են խորհրդականի խոսնակին։ Իսկ եթե խոսնակը չի կարող իրականացնել իր պարտականությունները, ապա դրանք անցնում են վարչապետին։
Հավելենք, որ Ղրղզստանում արտահերթ նախագահական ընտրությունները պետք է տեղի ունենան մինչև հունվարի 10-ը։ Այս մասին այսօր խորհրդարանի արտահերթ նիստի ժամանակ հայտարարել է երկրի նախագահի լիազորությունները կատարող Սադիր Ժապարովը։
