19.12.2025 | 17:00
Գևորգ Կոստանյանին ՀՀ-ին հանձնելու նոր միջնորդություն է ուղարկվել ՌԴ
Թուրքիան պատրաստվում է փորձարկել ռուսական S-400 հրթիռային պաշտպանության համակարգերը
Քաղաքականություն
16.10.2020 | 16:13
Թուրքիան ծանուցագրեր է տարածել այն մասին, որ սահմանափակում է իր երկրի օդային ու Սևծովի ջրային տարածքների հասանելիությունը՝ կրակային փորձարկումներ իրականացնելու համար, այդ թվում՝ ռուսական արտադրության S-400 հակահրթիռային պաշտպանության ստորաբաժանումների ներգրավմամբ։
Փորձարկումները, հնարավոր է, տեղի ունենան արդեն այս ուրբաթ՝ մեկ շաբաթ անց այն բանից հետո, երբ հրթիռային համակարգերը նկատվել էին տարածք տեղափոխելու ժամանակ:
Ռուսական հակահրթիռային պաշտպանության համակարգի փորձարկումը, ըստ ամենայնի, կխորացնի լարվածությունն ԱՄՆ-ի հետ հարաբերություններում, որը դեմ էր արտահայտվել համակարգի գնմանը՝ պատճառաբանելով, որ այն անհամատեղելի է ՆԱՏՕ-ի հակահրթիռային պաշտպանության համակարգերի հետ, գրում է Reuters-ը:
Հիշեցնենք՝ S-400 համակարգերի ձեռքբերման շուրջ համաձայնագիրը Մոսկվան և Անկարան կնքել են 2017 թվականին, ընդ որում՝ այն ձեռք բերելու համար Անկարան նաև վարկ էր ստացել Մոսկվայից։ Այս համակարգերը կարող են թիրախավորել ռազմական օդանավեր և բալիստիկ հրթիռներ։
Վաշինգտոնը և ՆԱՏՕ-ի անդամ մյուս երկրները մտավախություն ունեն, որ եթե Անկարան միաժամանակ ձեռք բերի ռուսական համակարգերը և ամերիկյան նոր կործանիչները, ռուսական կողմն այդ կործանիչներն ուսումնասիրելու և թիրախավորելու հնարավորություն կստանա։
Տաթև Ֆռանգյան
