17.05.2024 | 20:14
ՀՀ ԱԳ փոխնախարարն ու Միգրացիայի միջազգային կազմակերպության պաշտոնյան անդրադարձել են թվայնացման ուղղությամբ իրականացվող քայլերին
ՀԱՊԿ-ում ակտիվ քննարկվում է ԼՂ-ում խաղաղապահ առաքելության հարցը․ Զաս
Քաղաքականություն
15.10.2020 | 17:38
Հավաքական անվտանգության պայմանագրի կազմակերպությունում ակտիվ քննարկվում է Լեռնային Ղարաբաղում խաղաղապահ առաքելության հարցը։
Կազմակերպության գլխավոր քարտուղար Ստանիսլավ Զասը հայտնել է, որ Բելառուսի նախագահ Լուկաշենկոյի հետ մանրամասն զրուցել է ՀԱՊԿ տարածաշրջանում տիրող իրավիճակը, ինչպես նաև ՀԱՊԿ առաջիկա գագաթնաժողովի օրակարգը, գրում է «Սպուտնիկ Բելառուսը»։
«Այս տարածաշրջանում (Լեռնային Ղարաբաղում-Sputnik) խաղաղապահ առաքելության հարցի վերաբերյալ ակտիվ քննարկում է ընթանում»,- ասել է ՀԱՊԿ-ի գլխավոր քարտուղարը:
Ինչ վերաբերում է Ղրղզստանում տիրող իրավիճակին, Ստանիսլավ Զասը հույս է հայտնել, որ Բիշքեկում առաջիկայում իրադրությունն իրավական հունով կընթանա, իսկ Անդրկովկասում արդեն սկսվել է հակամարտող կողմերի միջև երկխոսության հաստատումը։
