01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Ալիևը գրեթե ընդունել է, որ ադրբեջանական կողմը գնդակոծել է Շուշիի Ղազանչեչոց եկեղեցին
Մշակույթ
15.10.2020 | 14:15
Ադրբեջանի նախագահ Իլհամ Ալիևը France 24 հեռուստաընկերությանը տված հարցազրույցում հայտարարել է, որ Շուշիի Սուրբ Ամենափրկիչ Ղազանչեչոց տաճարի ռմբակոծումը ուսումնասիրություն է պահանջում, գրում է ՌԻԱ Նովոստին։
Ալիևն ասել է՝ «կասկածներ» ունի, թե դա, իբր, հայերն են արել, միաժամանակ, չի բացառել, որ տեղի ունեցածն ադրբեջանական ուժերի ձեռքի գործն է։
«Մենք պետք է ուսումնասիրենք այդ հարցը։ Վստահ չենք՝ ինչ է կատարվել։ Կասկածներ կան, որ դա հայերի ձեռքի գործն է, որոնք ուզում են մեզ մեղադրել։ Եթե դա արվել է ադրբեջանական բանակի ստորաբաժանումների կողմից, ուրեմն սխալմունք է եղել։ Մեր թիրախում պատմական կամ կրոնական վայրեր չկան»,- ասել է Ալիևը։
Նշենք, որ ավելի վաղ ադրբեջանական կողմը հայտարարություն էր տարածել, որում ընդհանրապես հերքում էր իրենց կողմից Շուշիի տաճարը գնդակոծելու փաստը։
Էմմա Չոբանյան
