20.05.2026 | 22:00
Փաշինյանը որ այդ քարտեզը բաժանում է, անգամ այդտեղից են տարածքներ զիջել․ երկիրը կործանման են տարել. Մանուկ Սուքիասյան. ՏԵՍԱՆՅՈՒԹ
Եթե չկարողանանք երկարացնել հրադադարը, այն բացասաբար կանդրադառնա մյուս բոլոր հարցերի վրա․ Մնացականյան. ՏԵՍԱՆՅՈՒԹ
Քաղաքականություն
12.10.2020 | 16:43
Անհրաժեշտ է վերիֆիկացիոն մեխանիզմներ մշակել՝ հրադադարի ռեժիմի պահպանումը վերահսկելու համար: Այս մասին Մոսկվայում ՌԴ ԱԳ նախարար Սերգեյ Լավրովի հետ հանդիպումից հետո տեղի ունեցած ճեպազրույցում հայտարարեց ՀՀ արտգործնախարար Զոհրաբ Մնացականյանը։
Պատասխանելով այդ մեխանիզմների մասին հարցին՝ նախարարը նշեց, որ այս փուլում նախընտրելի է զերծ մնալ մանրամասներից, քանի որ խորհրդակցություններ են ընթանում:
Նա հիշեցրեց, որ ինչպես հետևում է անցյալ շաբաթվա վերջին Մոսկվայում ընդունված համատեղ եռակողմ հայտարարությունից՝ առաջին քայլը ռազմական գործողությունների դադարեցումն է․ «Եթե չկարողանանք երկարացնել հրադադարը, այն բացասաբար կանդրադառնա մյուս բոլոր հարցերի վրա»:
Անդրադառնալով Հայաստանին և Արցախին ուղղված մեղադրանքներին՝ Զոհրաբ Մնացականյանը հիշեցրեց, որ հենց հայկական կողմն է պահանջում վերիֆիկացման մեխանիզմներ ներդնել, իսկ Ադրբեջանը, հակառակը, հրաժարվում է:
«Ես չեմ կարող ընդունել հայկական կողմին առաջադրված մեղադրանքները»,- շեշտեց արտգործնախարարը՝ հավելելով, որ Արցախի անվտանգության երաշխավորը եղել և մնում է Հայաստանը:
Մանրամասները՝ տեսանյութում:
