28.11.2024 | 10:28
Ռոբերտ Քոչարյանը, Յուրի Խաչատուրովը և Սեյրան Օհանյանն ինքնակամ ներկայացել են դատարան, նրանց բերման չեն ենթարկել
Մոսկվան համակ ուշադրությամբ հետևում է Լեռնային Ղարաբաղում իրավիճակին․ Պեսկով
Քաղաքականություն
12.10.2020 | 14:55
Կրեմլը հույժ կարևոր է համարում Լեռնային Ղարաբաղի շուրջ պայմանավորվածությունների կատարումը, որպեսզի հակամարտող կողմերը լիովին հրաժարվելով ռազմական գործողություններից, կարողանան անցնել կարգավորման դիվանագիտական միջոցներին, փոխանցում է ՏԱՍՍ-ը։
«Մենք բարձր ենք գնահատում համաձայնեցված փոխըմբռնումը՝ հումանիտար դադարի մասին որոշումը, որը ձեռք է բերվել ՌԴ, Հայաստանի ու Ադրբեջանի ԱԳՆ ղեկավարների հանդիպման արդյունքում»,- լրագրողներին ասել է ՌԴ նախագահի մամուլի խոսնակ Դմիտրի Պեսկովը։
Նա ընդգծել է, որ այժմ Մոսկվան համակ ուշադրությամբ հետևում է իրավիճակին, Կրեմլում տեսնում են հրադադարի խախտման մասին հայտարարություններ երկու կողմից էլ։
«Կարծում ենք, որ ձեռք բերված պայմանավորվածությունների իրականացումը չափազանց կարևոր է ՝ ռազմական գործողություններից լիովին հրաժարվելու և ապագայում հակամարտության լուծման քաղաքական-դիվանագիտական միջոցներին անցնելու համար», – ասաց Կրեմլի խոսնակը:
