19.12.2025 | 18:47
Եթե մեզ հարգանքով վերաբերվեք, որևէ գործողություն չի լինի. Պուտինը՝ նոր պատերազմի հնարավորության մասին
Հայաստանում նախատեսված ՀԱՊԿ զորավարժությունները հետաձգվում են. ՏԱՍՍ
Քաղաքականություն
06.10.2020 | 14:44
Հայկական կողմը Հավաքական անվտանգության պայմանագրի կազմակերպությանը (ՀԱՊԿ) տեղեկացրել է, որ չի մասնակցի հոկտեմբերին կայանալիք «Անքակտելի-եղբայրություն-2020» զորավարժությանը։ Այս մասին ՏԱՍՍ-ին հայտնել է ՀԱՊԿ մամուլի խոսնակ Վլադիմիր Զայնետդինովը։
«Հայաստանը ծանուցել է ՀԱՊԿ-ին, որ չի կարող մասնացել «Անքակտելի-եղբայրություն-2020» զորավարժություններին, որը նախատեսված է անցկացնել հոկտեմբերի 12-16-ին Բելառուսում»,- նշել է խոսնակը։
Նա նաև տեղեկացրել է, որ հոկտեմբերի վերջին Հայաստանում նախատեսված «Փոխգործակցություն-2020» և «Որոնում-2020» զորավարժությունները հետաձգվել են։
«ՀԱՊԿ անդամ երկրների հետ քննարկումներ են ընթանում այդ զորավարժությունների տեղի և ժամկետների վերաբերյալ»,- հավելել է Զայնետդինովը։
Աղբյուրի փոխանցմամբ՝ Հայաստանի տարածքում համատեղ զորավարժությունների անցկացումից հրաժարվելը պայմանավորված է սեպտեմբերի 27-ից Լեռնային Ղարաբաղում հակամարտության սրմամբ։
