25.06.2026 | 11:02
ՀՅԴ ՀԵՄ-ը պնդում է՝ Արցախի դրոշը վերականգնելու փորձի ժամանակ երկու անդամ բերման է ենթարկվել
Շենք առ շենք տեղեկացնելու ենք․ Հայկ Մարությանը՝ քաղպաշտպանության քայլերի մասին․ ՏԵՍԱՆՅՈՒԹ
Հասարակություն
05.10.2020 | 19:24
Մեր թաղապետերը, մեր ամբողջ անձնակազմը, անձամբ ես վերջին օրերին զբաղված ենք քաղպաշտպանության հարցերով, որ ապահովենք մեր բնակիչների անվտանգությունը։ Այդ մասին Factor.am-ի հետ զրույցում ասաց Երևանի քաղաքապետ Հայկ Մարությանը՝ հավելելով, որ անհանգստանալու պատճառ հիմա չկա։
«Մենք ամեն օր պետք է պատրաստ լինենք, Աստված չանի՝ երկրաշարժի, մենք պետք է իմանանք, թե ամեն մեկս ինչ պիտի անի, եթե լինի երկրաշարժ, բայց դա չի նշանակում, որ այսօր կամ վաղը երկրաշարժ է լինելու։ Երբ պետությունն անցնում է պատերազմական դրության, այդ պահից սկսած՝ կան միջոցառումներ, որ պետք է արվեն, և մենք դա անում ենք»,- ասաց քաղաքապետը։
Հարցին, թե բնակիչներն ինչպես պետք է տեղեկանան անհրաժեշտ քայլերի մասին, քաղաքապետը նշեց, որ կան մշակված քայլեր։
«Շենք առ շենք տեղեկացնում ենք։ Ամեն շենքին առանձին ասում ենք, թե այս շենքի բնակիչներն ինչ պետք է անեն»,- ասաց Հայկ Մարությանը։
Մանրամասները՝ տեսանյութում։
