Քաղաքականություն
05.10.2020 | 13:13
Շվեդիայի արտգործնախարար Ան Լինդեն կոչ է անում Հայաստանին ու Ադրբեջանին՝ վերադառնալ խաղաղ բանակցությունների։ Շվեդիայի արտաքին գերատեսչության ղեկավարը նաև կոչ է արել երրորդ երկրներին դադարեցնել ռազմական գործողություններին միջամտությունը, գրում է REGNUM-ը։
«Այո՛, իրավիճակն իրապես շատ անհանգստացնող է, և ես խորապես ցավում եմ զոհերի համար։ Շատ զոհեր կան նաև քաղաքացիական բնակչության շրջանում։ Այժմ ամենակարևորն այն է, որպեսզի ռազմական գործողություններն անհապաղ դադարեցվեն, և կողմերը վերադառնան բանակցությունների սեղանին»,- հայտարարել է նախարար Լինդեն։
Հավելենք, որ Լինդենն ավելի վաղ մտադրություն էր հայտնել այցելել Հայաստանի ու Ադրբեջանի մայրաքաղաքներ, սակայն օդային տարածքում իրավիճակի վտանգավոր լինելու պատճառով նախարարների հանդիպումը չեղարկվել է։
Այնուամենայնիվ, նա հեռախոսազրույցներ է ունեցել երկու երկրների արտգործնախարարների հետ։
