08.11.2024 | 21:44
ԵՄ-ն կշարունակի Ուկրաինայի զինված ուժերի վարժական առաքելությունը
Անկարան ցանկանում է է՛լ ավելի թեժացնել ԼՂ հակամարտությունը․ Սիրիայի ԱԳՆ. ՏԱՍՍ
Քաղաքականություն
03.10.2020 | 20:12
Սիրիան նախազգուշացնում է Լեռնային Ղարաբաղի հակամարտությանը Անկարայի միջամտության վտանգավոր հետևանքների մասին։ Այս մասին ասվում է Արաբական Հանրապետության ԱԳՆ հայտարարության մեջ, փոխանցում է ՏԱՍՍ-ը։
«Թուրքիան նպատակ է հետապնդում է՛լ ավելի թեժացնել Լեռնային Ղարաբաղի հակամարտությունը։ Անկարայի գործողություններն ամենուր հանգեցնում են լարվածության ու կրոնական տարաձայնությունների սրման»,- ասվում է հայտարարության մեջ։
Սիրիան կոչ է անում Երևանին ու Բաքվին «քայլեր ձեռնարկել ռազմական սրումը նվազեցնելու ուղղությամբ ու գտնել տարաձայնությունները խաղաղ կարգավորելու ճանապարհը», ասվում է հայտարարության մեջ։
«Ադրբեջանի կառավարությունը պետք է ուշադիր լինի՝ Թուրքիայի թակարդը չընկնելու համար և պատասխանի հակամարտությունը զսպելու Հայաստանի նախաձեռնությանն ու վերադառնա երկխոսության»,- ընդգծում է Սիրիայի ԱԳՆ։
