05.11.2026 | 17:52
Միրզոյանը` ադրբեջանցի պաշտոնյաների Հայաստան այցի մասին․ ՏԵՍԱՆՅՈՒԹ
Կալիֆոռնիայի Սենատի հայկական օրենսդրական խումբը կոչ է անում դատապարտել Ադրբեջանին ու Թուրքիային
Քաղաքականություն
03.10.2020 | 17:17
Կալիֆոռնիայի Սենատի հայկական օրենսդրական խումբը հրապարակավ դատապարտել է Ադրբեջանի ագրեսիվ հարձակումն Արցախի խաղաղ Հանրապետության դեմ, փոխանցում է The Armenian Mirror-Spectator-ը։
Հայտարարության մեջ նշվում է, որ Թուրքիան ակտիվ դերակատարություն ունի Ադրբեջանի ագրեսիային աջակցելու հարցում՝ մատակարարելով զենք և նույնիսկ վարձու զինյալներ տեղափոխելով հակամարտության գոտի:
Որպես Կալիֆոռնիայի հայկական օրենսդրական խմբի անդամներ՝ Լաուրա Ֆրիդմանը, Ադրին Նազարյանը, Էնթոնի Պորտանտինոն և Սքոթ Ուիլքը կոչ են արել ընտրված դաշնային պաշտոնյաներին և միջազգային հանրությանը՝ աջակցել Արցախին և ադրբեջանական ու թուրքական ագրեսիայից տուժած հայերին:
Օրենսդրական խումբը նաև հորդորել է դատապարտել հարձակումները, պահանջել զինադադար, աջակցել կայուն խաղաղության հաստատմանն ու դադարեցնել Ադրբեջանին և Թուրքիային ցուցաբերվող ռազմական աջակցությունը:
Նշվում է, որ 2020 թվականի սեպտեմբերի 27-ին Ադրբեջանը հարձակումներ է իրականացրել Արցախի վրա՝ գնդակոծելով անմեղ քաղաքացիական բնակչությանը Արցախի մայրաքաղաքում և հարակից շրջաններում:
Թուրքիան ակտիվ դերակատարում ունի Արցախի դեմ Ադրբեջանի ագրեսիային աջակցելու հարցում՝ զենք տրամադրելով և նույնիսկ վճարովի ջիհադիստ վարձկաններին տեղափոխելով Ադրբեջան: Թուրքիան բռնության երկար պատմություն ունի հայ ժողովրդի նկատմամբ, և այդ բռնությունը շարունակականությունն է ատելության և դաժան հանցագործությունների, որոնք Թուրքիան կատարել է հայ ժողովրդի նկատմամբ ցեղասպանության ընթացքում ավելի քան 100 տարի առաջ: Գրեթե 1500 մարդ՝ ներառյալ քաղաքացիական անձինք և զինվորականներ, սպանվել են 5 օրվա ընթացքում, և իրավիճակը սրվում է արագ տեմպերով: Այս հակամարտությունը տարածվում է նաև Արցախից դուրս, Կալիֆոռնիայի հայ համայնքում, քանի որ վերջին շաբաթներին ատելության հողի վրա իրականացվել են մի քանի հանցագործություններ հայկական համայնքի դեմ:
