Ամեն ինչ սահմանի համար․ Գյումրիի բուհերն ու ուսանողները տարբեր նախաձեռնություններով օգնում են Արցախին․ ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Սահմանին ամեն ինչով օգնելու ու սատար կանգնելու նախաձեռնություններին միացել են նաև Գյումրիի բուհերն ու ուսանողները։ Արդեն ուսանողական տարբեր նախաձեռնություններ են ձևավորվել։

Մարտական գործողությունների սկսման առաջին օրից ուսանողական համայնքն ինքնակազմակերպվել է և շարունակում է տարբեր կերպ աջակցություն ցուցաբերել սահմանին։

«Բուհի ուսանողների նախաձեռնությամբ ստեղծվեց «ՀՊՏՀ ԳՄ ուսանողական աջակցության կենտրոն» խումբը, որի նպատակն է՝ ուսանողներին ներկայացնել բոլոր հնարավոր աջակցության ձևերը, ինչպես նաև իրավիճակային ուսանողական նախաձեռնությունները»,- Factor.am-ի հետ զրույցում ասացՀՊՏՀ Գյումրու մասնաճյուղի հանրային կապերի պատասխանատու Լենա Հովհաննիսյանը։

Նա հավելեց, որ ուսանողական խումբը գործում է մարզային կենտրոնների հետ համաձայնեցված, տեղեկանում է առաջնահերթ կարիքների մասին ու ռեսուրսները փորձում օգտագործել առավել կարևոր ուղղություններով։

«Առաջին միջոցառումը, որ իրականացրեցին, արյան դոնոր դառնալու պատրաստակամությունն էր, որին միացավ բուհի ուսանողների մեծ մասը: Այն ուսանողները, որոնք համապատասխանում էին բոլոր չափորոշիչներին, արյուն հանձնեցին: Հաջորդ նախաձեռնությամբ ուսանողներն ու բուհի վարչական, պրոֆեսորադասախոսական անձնակազմը միացան հայտարարված դրամահավաքին: Հիմա էլ պարենի, սննդամթերքի և դեղորայքի հավաքագրում է իրականացվում, արդեն իսկ հավաքագրված փաթեթներն ուղարկվել են  աջակցության մարզային կենտրոններ»,- ասաց Լենա Հովհաննիսյանը։

Բացի այդ՝ բուհն առաջիկայում նախատեսում է կազմակերպել առաջին բուժօգնության պրակտիկ դասընթացներ՝ արտակարգ իրավիճակներում ուսանողների բարձր պատրաստվածությունն ապահովելու համար։

Բոլոր կուրսերի ուսանողները շարունակում են տարբեր նախաձեռնություններ առաջարկել, նաև կամավորական աշխատանք են իրականացնում մարզային ու քաղաքայի կենտրոններում, շատերը նաև կամավորագրվել են՝ առաջնագիծ գնալու համար։

«Տարբեր կուրսերի տասնյակից ավելի ուսանողներ արդեն կամավորագրվել են ու իրենց պատրաստակամությունն են հայտնել գնալ սահման: Շատերն արդեն քաղաքում չեն, մյուսներն էլ սպասում են իրենց հերթին»,- ասաց Լենա Հովհաննիսյանը։

Ուսանողները նշում են, որ յուրաքանչյուր աջակցություն՝ անկախ չափից կամ իրականացման ձևից, կենսական կարևորություն ունի մեր հայրենիքի հիմքերի ամրապնդման համար, քանի որ այն առաջին հերթին ամրացնում է հայ ժողովրդի միասնությունը։

Նախաձեռնություններով չի զիջում նաև Շիրակի մայր բուհը։ ՇՊՀ-ում, ավագ դպրոցում ու քոլեջում բարեգործական ակցիաներ են անցկացվում․ ՇՊՀ ուսանողական խորհրդի անդամները հավաքում ու տեսակավորում են անհրաժեշտ պարագաներ՝ուղարկելու հայ զինվորներին, կամավորներին ու Արցախի բնակիչներին։ ՇՊՀ Նոր ուսանողական խորհրդարանի անդամները, «Ռեստարտ Գյումրի» ուսանողական նախաձեռնության անդամների և այլ կամավորների հետ միասին, դեղորայք, առաջին անհրաժեշտության պարեն, հիգիենայի պարագաներ են հավաքագրում Գյումրիի ամբողջ տարածքով՝ առաջնագիծ ուղարկելու համար։

Էմմա Չոբանյան