01.04.2026 | 13:44
Թրամփը հայտարարել է, որ ԱՄՆ-ը լրջորեն քննարկում է ՆԱՏՕ-ից դուրս գալու հարցը
Էրդողանը հայտարարել է, թե Անկարան «պարտավոր չէ հաշիվ տալ Նիկոլ Փաշինյանին»․ Anadolu
Քաղաքականություն
01.10.2020 | 20:02
Թուրքիայի նախագահն այսօր ելույթ է ունեցել Մեջլիսի աշնանային նստաշրջանի բացմանը՝ կրկին Անկարայի աջակցությունը հայտնելով Ադրբեջանին։
«Կովկասում երկարատև խաղաղության հիմնական պայմանն Ադրբեջանի «օկուպացված» ամեն կտորի ազատագրումն է։ Թուրքիան ընկալում է Ադրբեջանին «մեկ ազգ՝ երկու պետություն» սկզբունքով։ Մենք կշարունակենք ադրբեջանցի եղբայրներին աջակցություն ցուցաբերել»,- «Անադոլու» գործակալության փոխանցմամբ՝ ասել է Ռեջեփ Թայիփ Էրդողանը։
Էրդողանը դարձյալ «մեղադրել է» Հայաստանին՝ կոչ անելով Թուրքիայի մասին ապատեղեկատվության չտարածել։ Նա նաև քննադատել է Մինսկի խմբի համանախագահ պետություններին։
«Մինսկի խմբի համանախագահներն արդեն 30 տարի արհամարհում են հակամարտության լուծումը, որի արդյունքն էլ այս իրադարձություններն են։ Համանախագահների՝ կրակի դադարեցմանն ուղղված կոչերն անընդունելի են»,- ասել է նա։
Անդրադառնալով Հայաստանի վարչապետի՝ Լեռնային Ղարաբաղի իրավիճակին չխառնվելու մասին Թուրքիային ուղղված կոչին, Էրդողանն ասել է․ «Անկարան պարտավոր չէ Նիկոլ Փաշինյանին հաշիվ տալ։ Մենք ինքներս ենք կայացնում մեր որոշումները»։
Էմմա Չոբանյան
