13.08.2026 | 16:17
Արշակ Կորյանը նոր ակումբ ունի
Ֆրանսիայից օդանավ է ուղարկվելու Հայաստան՝ Արցախում վիրավորված Le Monde-ի լրագրողներին տեղափոխելու համար
Քաղաքականություն
01.10.2020 | 17:38
Արցախի Մարտունի քաղաքում հրետակոծության հետևանքով վիրավորված ֆրանսիական Le Monde պարբերականի լրագրողին և լուսանկարչին տեղափոխելու համար Ֆրանսիայից օդանավ կուղարկվի Հայաստան։ Այս մասին ուղիղ եթերում հայտարարեց ԵՄ գագաթնաժողովին մասնակցելու նպատակով Բրյուսել ժամանած Ֆրանսիայի նախագահ Էմանուել Մակրոնը։
Նա նշեց, որ ամեն ինչ արվում է՝ տեղում լրագրողների վիճակը կայունացնելու և նրանց հնարավորինս շուտ Ֆրանսիա վերադարձնելու համար։
Հիշեցնենք, որ Le Monde-ի լրագրողական խումբը վիրավորում է ստացել Մարտունու քաղաքապետարանի շենքում՝ Ադրբեջանի ԶՈՒ հրետակոծության արդյունքում։ Լրագրողի՝ Ալան Կավալի վիճակը ծանր է գնահատվում, նրան վիրահատում են։
