16.12.2025 | 12:59
Ռուբեն Ռուբինյանի ճեպազրույցը. ՈՒՂԻՂ
Հանրային խորհրդի նախագահը և անդամները ՌԴ դեսպանին են փոխանցել իրավիճակի վերաբերյալ իրենց գնահատականները. Ստյոպա Սաֆարյան. ՏԵՍԱՆՅՈՒԹ
Քաղաքականություն
29.09.2020 | 14:05
Հանրային խորհրդի նախագահը և անդամները ՌԴ դեսպանին են փոխանցել իրավիճակի վերաբերյալ իրենց գնահատականները: Այս մասին տեղեկացրեց Հանրային խորհրդի նախագահ Ստյոպա Սաֆարյանը:
Նրա խոսքով՝ ՌԴ դեսպանի հետ հանդիպմանը մասնակցած Հանրային խորհրդի տասը անդամները ոչ միայն իրենց տեսակետները և գնահատականներն են ներկայացրել ընթացող զարգացումների վերաբերյալ, այլ նաև մտահոգություններ և պատկերացումներ, թե ինչ պետք է արվի՝ այս խելահեղությունը կանգնեցնելու և տարածաշրջանում խաղաղությունը վերականգնելու համար:
«Մենք խոսել ենք և՛ հայ-ռուսական ռազմավարական դաշնակցության շրջանակում պարտավորությունների, և՛ ՀԱՊԿ-ի պատասխանատվության գոտում տեղի ունեցող գործողությունների, այդ թվում նաև՝ ահաբեկչական վտանգի, ռազմական ագրեսիայի և այլ խնդիրների մասին»,- նշեց Հանրային խորհրդի նախագահը:
Նա նաև հավելեց, որ Հանրային խորհուրդը գրություն է ուղարկելու աշխարհի տարբեր երկրների գործընկեր կազմակերպություններին՝ իրազեկելով իրավիճակի մասին, և հասցեատերերի մեջ մտնում է նաև Ռուսաստանի Հանրային պալատը:
Մանրամասները՝ տեսանյութում:
