19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Քաղաքացիական բնակչության շրջանում 30-ից ավելի վիրավոր կա․ Արցախի ՄԻՊ. ՏԵՍԱՆՅՈՒԹ
27.09.2020 | 19:32
Այս պահին քաղաքացիական անձանց մեջ երկու զոհ կա, նախնական տվալներով՝ 30-ից ավելի վիրավորներ, բայց այս թիվը մեծանալու է։ Այս մասին այսօր տեղի ունեցած ճեպազրույցում ասաց Արցախի ՄԻՊ Արտակ Բեգլարյանը։
«Մեր հաշվարկներով՝ 50 բնակավայր թիրախավորվել է հակառակորդի կողմից՝ Ստեփանակերտը, Շուշին, Մարտակերտը, Բերձորը, այսինքն՝ բոլորը եղել են հարվածի տակ»,- հավելեց նա։
Բեգլարյանը նաև նշեց, որ ամբողջ հանրապետությունում մի քանի հարյուր անշարժ գույք և ենթակառուցվածք է վնասվել։ Արցախի ՄԻՊ-ը նշեց, որ բազմաթիվ ապացույցներ կան, որ նախահարձակ կողմը Ադրբեջանն է եղել։
«Իմ կոչը միջազգային իրավապաշտպան կառույցներին է ուղղված՝ բավարար է, որ քաղաքական պատճառներով չեք ցանկանում այցելել և անդրադառնալ Արցախի բնակիչներին, և հենց այս անտեսման պատճառով է նաև, որ Ադրբեջանն իրեն ազատ է զգում մարդու իրավունքների կոպտագույն խախտման ճանապարհին»,- նշեց Արցախի ՄԻՊ-ը։
Մանրամասները՝ տեսանյութում։
