19.09.2026 | 19:46
Ռազմական ոստիկանության պետը խորհրդակցություն է անցկացրել․ հանձնարարականներ են տրվել
ԱԳ նախարար Մնացականյանը մշտական կապի մեջ է իր գործընկերների, այդ թվում՝ ՌԴ ԱԳ նախարար Սերգեյ Լավրովի և Վրաստանի ԱԳ նախարար Դավիթ Զալկալանիի հետ
Քաղաքականություն
27.09.2020 | 13:44
«Արտերկրում ՀՀ բոլոր դիվանագիտական ներկայացուցչությունները աշխատում են արտակարգ ռեժիմով: Մեր միջազգային գործընկերները՝ բազմակողմ և երկկողմ մակարդակով, տեղեկացված են Ադրբեջանի ռազմական ագրեսիայի հետևանքով տսեղծված իրադրության, հայկական կողմերի գործողությունների և գնահատականների մասին:
ԱԳ նախարար Մնացականյանը մշտական կապի մեջ է և հեռախոսազրույցներ է ունենում իր գործընկերների, այդ թվում՝ ՌԴ ԱԳ նախարար Սերգեյ Լավրովի և Վրաստանի ԱԳ նախարար Դավիթ Զալկալանիի հետ»,- տեղեկացնում է ՀՀ ԱԳՆ խոսնակ Աննա Նաղդալյանը:
ՌԴ ԱԳՆ մամուլի ծառայության հաղորդմամբ էլ՝ Լավրովը լուրջ մտահոգություն է հայտնել շփման գծում շարունակվող լայնածավալ ռազմական գործողությունների, զոհերի և վիրավորների մասին տեղեկատվության կապակցությամբ:
«Ընդգծվել է անհապաղ ռազմական գործողությունները դադարեցնելու անհրաժեշտությունը: Նշվել է, որ Ռուսաստանը, ԵԱՀԿ Մինսկի խմբի մյուս համանախագահների հետ, կշարունակի նախաձեռնել միջնորդական ջանքեր, որոնք ուղղված են իրավիճակի կայունացմանը»,- ասվում է հաղորդագրությունում:
