Այսօր Սահմանադրական դատարանը նախագահ չընտրեց։ Նիստից հետո լրագրողների հետ զրույցում ՍԴ դատավոր Էդգար Շաթիրյանն ասաց, որ աշխատանքային նիստը կշարունակվի վաղը՝ ժամը 11։00-ին:
«Ըստ էության ՍԴ-ն անցում չի կատարել նախագահ և փոխնախագահ ընտրելու օրակարգային հարցերին, քննարկման առարկա են դարձել կազմակերպչական և տեխնիկական հարցեր, այդ թվում լրատվամիջոցների դիմում-խնդրանքներին՝ նիստը լուսաբանելու, սակայն նպատակահարմար չեղավ ընդունելու դիմում-խնդրանքը։ Սակայն նիստը ձայնագրվելու է, հրապարակման մասով ձեռնպահ կմնամ»,-նշեց նա։
